Rûpelên dîrokê, ji salan, sala 571’ê, ji mehan jî, meha Nîsanê nîşan dida. Sibeya duşemê, ‘erd û asîmanên rojhilat û rojavayê, ronahiyeke berfireh girt. Wê rojê, li ser rûyê ‘erdê, gelek tiştên ‘ecêb li pey hev pêk hatin. Pûtên Ke’beyê, li ser dev û rûyen xwe ketin ‘erdê. Ji ber van tiştên ‘ecêb, gel şaş û matmayî ma. Xwe bi xwe digotin: “Çawa dibe? Pûtên me yên ku pêyên wan bi ‘erdê ve giredayîne, çawa dikevin ‘erdê?” Rûdanek din, li cihekî dûr, li Îranê pêk hat. Siltanê Kîsrayê Îranê, bi hejîneke tirsehêz ve, ji cîhe xwe hilpekiya. Çû wî alî, hat vî alî, hewl da ku fêhm bike, got “gelo çi diqewimin.”